Rahden (WB). Zur 60. Wiederkehr des Kriegsendes hat Elfriede Sudbrink »Erinnerungen ut miene Kinnertiet in twäiten Weltkrieg« veröffentlicht. Heute geht es um »Papa mott in't Gefängnis«. Elfriede Sudbrink aus Kleinendorf schreibt auf Platt.
»Papa un Mama töigen sick schwanke Tüch an, oss an't Fenster kloppet wure un maken däi Dürn oapen. Wer stünd doa vo? Dräi Englänner, däi Polizist Hase van Roahn und däi Kerl, watt säi glieks vomut't han'n. Däi Englänner han'n jeder un Maschin'ngewehr in'ne Hand un fuchtel'n doamett harrümme. »Warum haben Sie den Polen wieder aufgenommen? Sie wissen doch, dass das verboten ist«, schnauzte däi äine Papa upp dützk an. »Sie werden sofort verhaftet, das soll alle anderen abschrecken, sie und der Pole kommen sofort mit«, drohen säi Papa. Ick schlöip in'ne Stoam, wass oaber van denn Krach längs wach wurn. Zitternd vo Angst lag ick in Berre, oss däi Englänner uck in'ne Stoam käim un mett'n Maschin'ngewehr vo mi stün'n. Säi han'n woll dacht dat däi Pole hier in Berre lag. Ick höre, dat Mama helle gräint. Opa stünd uck doabie, häi see tou däi Kerls: »Nehmt mi doch mett un loat usen Willi doch hier.« Papa röip däi Kels no tou: »Dat hätt doch blous äiner wia anzeiget, däi wüsste dat Franz hier bi uss ess.« Nu ess man gesund ut'n Kriege kom'n un nu maket säi souwatt mett äin.« Däi, denn düsse Wör güll'n güng schwanke ut'e Dürn, häi harre woll un schlechtet Gewet'n. Watt han'n sick wecke Lüüe schwanke ümme doan un sick jetz oll wia bi däi Englänner anschmeichelt. Olels Jammern nützere nix, Papa un Franz wurn vohaft't. Mama schmere no schwanke un paar Botterbröie fo däi bein. Säi käim dou upp denn Jeep un ett wure weggföhrt. Däi Polizist Hase schüttele uck denn Kopp un see: »Was sollte ich machen, wenn so eine Anzeige kommt, muss ich ja der Sache nachgehen, es tut mir leid.« Roatlos bläim wi annern trügge, wi kräigen däi Nacht käin Ouge mehr tou. Schmoarns mösste Mama däi ganzen Arbeit alleene maken. Upp mien Schoulweg wure mi van Wiet'n touroupen: »Säi häbbt juen Papa woll wegg halt, worümme häbbt ji denn Pol'n wia upp noahm?« Ick häbbe nix seggt, häbbe oaber met groute Angst in'ne Schoule seet'n un mösste jümmer an Papa denken, dat däi nu in Gefängnis satt. Watt schull dat blous geem'n, wenn Papa lange insperrt wure?« Das Buch »Erinnerungen ut miene Kinnertied in twäiten Weltkrieg« gibt es in der Buchhandlung »Das Buch« in Rahden oder direkt bei Elfriede Sudbrink, Tel. 0 57 71/30 76.
Drucken