Elfriede Sudbrink aus Kleinendorf erzählt auf Platt
Rahden (WB). Anlässlich der 60. Wiederkehr des Kriegsendes hat Elfriede Sudbrink »Erinnerungen ut miene Kinnertied in twäiten Weltkrieg« veröffentlicht. Heute erzählt sie »Van goue un schlechte Lüüe«/Teil 4«. Elfriede Sudbrink, Hobbyautorin aus Kleinendorf.
An äin Dag, ett wass in«n Fröihjohr 1944, passiere watt, dat wi woll nie fo möglich houl«n han«n. Däi Bräiftreeger bröchte un Bräif, däi wass an Mama ühre Adresse, säi mösste extra «ne Ünnerschrift doafo geem. Däi Absender wass däi Amtsvowaltung Roahn. Säi möchte denn erst gornich oapen maken, Mama föng helle an tou grien, oss säi dat lesen harre, watt doa inne stünd. Ett was «ne Voladung van«ne Polizei. Mama wass ganz vozweifelt un wi annern kräigen un grout«n Schreck un wüssten nich watt wi seggen schull«n. Oma un Opa wüssten uck käin Roat. »Och, wenn use Willi doch hier sien könn, däi mott doa in«n wieten Russland sien un mett us maket säi souwat«, jammere Oma. »Watt giff dat blous fo schlechte Lüüe, däi dat anzeiget häbbt?«, see Opa un schlöig mett«e Hand upp«n Disk. Wi kräigen ett olle mett«e Angst, wi han«n uck moal hört, dat ett KZ Loagers geem schull un däi, däi sick watt tou Schulle kom loat«n han«n, doa henn käim. Veer Dage harre Mama Tiet, bett tou däi Voladung. Säi hätt blous jümmer green, könn nich mehr eeten un schloapen. Wi Annern würn uck richtig krank mett. Ick wass jo boule twolf Johr ould un könn mi denken, watt Mama jetz fo Angst utstünd. »Wer hätt di blous anzeiget?«, fröig ick Mama, säi könn mi doa uck käine Antwort upp geem, säi mende blous, dat dat doch woll Lüüe ut use Gegend sien mössten, däi dat maket han«n. Oss däi Dag harran kamm, makere Mama sick schwoarn Hat«ns mett Rad upp«n Wegg. Tou Gretchen see säi no: »Gretchen, wenn ich verhaftet werde, kümmere du dich um mein Kind«, doabi löipen ühr däi Troan man sou oawere Backen. Ick kräig dou groute Angst un föng uck helle an tou grien. Watt schull dat blous geem, wenn Mama nich wia kamm? Säi harre doch gornix Leeges doan. Wi stün«n olle teegen Huse un häbb Mama lange noh keeken. Ett wass fo mi däi schwörste Dag in«ne Kriegstiet und häbbe dat bett vandage nich wia vogeet«n. Fortsetzung folgt. »Erinnerungen ut miene Kinnertied in twäiten Weltkrieg« kann man in der Buchhandlung »Das Buch« oder bei Elfriede Sudbrink, Tel. 0 57 71/30 76, erhalten.
Drucken