Rahden (WB). Anlässlich der 60. Wiederkehr des Kriegsendes hat Elfriede Sudbrink »Erinnerungen ut miene Kinnertied in twäiten Weltkrieg« veröffentlicht. Sie schildert auf Platt, wie sie als Kind den Krieg erlebt hat. Heute geht es um »Däi englische Sender/Teil 3«. Elfriede Sudbrink. Ganz leege wass ett, watt Opa, Mama un Gretchen un hant'n maken: Säi hörn in Radio denn englischen Sender. Dat wass jo ganz streng voaboan, doa stünd sogoar däi Todesstrafe upp. Säi han'n denn Sender doabi ganz liese anstellt, oaber use Fenster würn woll nich ganz dichte. Weil däi Fenster olle vodunkelt würn, wass ett use nich uppfall'n, dat doa in Düstern achtern Fenster äiner lüstert harre und dat meld't harre. Gretchens Freundin Martha, däi bi usen Norber Lohmeier wohnde, kamm faken no uss. Äines Dages bröichte säi däi Noricht mett, dat Lohmeiers hört han'n, dat use denn englischen Sender hörn'n dön. Lohmeiers Oma dö uss warn'n, wi schull'n vosichtig sien, Mama un Opa kön'n vohaftet wern. Wi kräigen ett dou mett'e Angst un kön'n nich begriepen, wer dat woll wüsste? Lohmeiers Oma hätt uss uck Beschäid seggt, dat 'ne »Hausdurchsuchung« wegen Schwartschlachten stattfien'n schull. Mien Onkel Hermann harre kott voher un Schoap un Kalw bi uss schlacht. Wer dat nu woll wia utspioniert harre? Use Pole Franz wüsste Roat, häi makere ganz boam upp'n Balken 'ne Ecke förig, wo wi Speck un Wöste un uck däi Inkoakgleeser vosteeken kön'n. Häi harre extra 'ne Vorrichtung maket, dat doa käine Müse an däi Würste kön'n. Noher packere Franz un grout'n Houpen Strouh doafo. »Ick nix sagen, Frau, du keine Angst haben«, see häi tou Mama. Jo, so wass däi Franz, man könn sick jümmer upp öhn voloaten. Oaber wenn wi nu 'ne Wurst eet'n wull'n, mößte häi erst upp'n Balken, blous Franz wüsste, wi man doa rann kamm. Ganz leege würn un paar Kerls in use Gegend, däi stäiken mett'e annern olle ünner äine Decken. Leider häbbt wi dat uck erst late merket. Äines Dages kam äiner un wull Papa sien Motorrad beschlagnahm'n, oaber Mama harre doa oll Wiend van kreegen. Mien Onkel Heinrich harre däi Räer van Motorrad utbouet un bi sick vosteeken. Däi Kerl könn dou nix maken un töig ganz vogrellt wia aff. Das Buch »Erinnerungen ut miene Kinnertied in twäiten Weltkrieg« kann man in der Buchhandlung »Das Buch« in Rahden oder bei Elfriede Sudbrink, Tel. 0 57 71/30 76, erhalten.
Drucken