Rahden (WB). Zur 60. Wiederkehr des Kriegsendes hat Elfriede Sudbrink »Erinnerungen ut miene Kinnertiet in twäiten Weltkrieg« veröffentlicht. Heute geht es um »Pullover ut Angorawolle«, den zweiten Teil von »Mama hätt ett schwoar«. Elfriede Sudbrink aus Kleinendorf schreibt auf Platt.
Oss ick äinmoal toun speel'n bi miene Schoulfreundin Hilde wass, söig ick, dat däi soveel Angorakaninken han'n. So'ne Kaninken harre ick no nie säihn, däi söigen so fein mett ühre Wulle ut. Ick häbbe Mama dou ploaget, ick wull uck so wecke häm'n, säi hätt touleste ühr Joawort doatou geem. Twäi Stück hätt Hilde mi schoanken, däi mösste ick nu jeden Dag bössen un kim'n. Mette Tiet han'n däi Kaninken sick gout vomehrt, däi Lüttken söigen mett ühre witt'n Wulle un rouen Ougen ganz drollig ut. Ett kamm nu oaber däi Tiet, dat däi Angorakaninken schoarn wern mössten. Use Pole Franz wüsste Roat, sien Freund, däi Pole Jan, harre öhn votellt, dat häi in Polen uck so'ne Kaninken harre un dat Wulle schern kinde. Häi böit sick bi uss an, däi Kaninken tou schern. Wi han'n no so'n oul'n Fotoapparat, Mama makere doa un hant'n Biller van mi mett. Däi schickere säi Papa henn, dat häi säihn könn, wi grout ick oll wia wurn wass. Däi Pole Jan fröig Mama, ob säi öhne nich moal fotografiern könn, häi möchte so gerne un Bild no siene Froue un Kinner schicken. Doafo wull häi uck däi Kaninken schern. Däi Pole harre sülbes un Pullover ut Angorawulle anne, denn harre siene Froue ut Polen öhne schicket. Mama wull dat erst gor nich, säi harre Angst un wüsste, dat sowat strenge voboan wass. Säi hätt ett dou doch riskiert un mende, dat doa doch woll käiner achter kamm. Weil ick jo jümmer no'n Tahnarzt no Bielefeld föhre, häbb' wi däi Biller in Bielefeld entwickel'n loaten. Oss däi Pole nu däi Angorakaninken schert hätt, ess doa äiner wesen, däi spioniert hätt und dat glieks wita meldt hätt. Uss wass dat nich uppfall'n un van denn han'n wi dat uck nie wahrnoahm. Oaber later sind wi dat olle gewahr wurn. Dat Schern harre doch in grout'n Houpen Wulle broacht. Mama makere sick nich bange, däi olle tou Wullgoarn tou spin'n. Säi mende, dat dat woll fo äin Pullower fo mi räiken dö un wenn säi genoug Tiet kräig, schull döäi tou Wiehnachten förig sien.
Das Buch »Erinnerungen ut miene Kinnertied in twäiten Weltkrieg« gibt es in der Buchhandlung »Das Buch« un Rahden oder bei Elfriede Sudbrink, Tel. 0 57 71/30 76.
Drucken