Elfriede Sudbrink aus Kleinendorf verfasst Weihnachtsgedicht auf Platt
Stemwede/Kleinendorf (WB). Anlässlich des Weihnachtsfestes hat Hobbyautorin Elfriede Sudbrink aus Kleinendorf ein Gedicht in Plattdeutsch verfasst. Sie schreibt:
Däi Wiehnachtstiet steiht wia vor«e Dürn, däi Kinner dout doa oll lange van kürn. Wi ess doch vogoahn, so schwanke däi Tiet, mi dücht, dat leste Fest ligg no gornich wiet.
Ett ess mi, oss wenn«t no nich lange vobi, däi Wiehnachtsboum stünt in«ne Stoam bi mi. Nu goaht däi Gedanken oll wia in Vorut, ick söik« mi bi«n Görner un näien Boum ut.
Wo ess ett bleem, dat oule Joahr? Man kann«t nich gleum, ess oaber woahr, je öller man watt, je schwanker lopp däi Tiet un oss Kiend wass Wiehnachten jümmer so wiet.
Wie was dat Joahr, moal gout orer schlecht? Ett kann doch Käin«n maken watt recht. Wi wöt«t man so nehm«n, wi ett wür, ob«t näie beeter watt, watt steiht vor«e Dür«?
Däi Regierung kamm ganz schöin in«t wanken un Jeder maket sick doatou siene Gedanken. Wi wöt hoapen, däi Näien maket ett gout un Jeder bolt in Schappe sien Brout.
Däi Sommer harre jo ganz natte Föite, doafo wass däi Herwst doch so wunderbar söite. Häi wass maket wi fo däi jungen Liebe, sogor däi Dahlien kräigen wia friske Triebe.
Däi Tiet gaiht doahenn, ett ess woll woahr, ick schriewe miene Geschichten nu oll veer Joahr. An olle miene Leser, van Hat«n Dank un dat bi«t Lesen, däi Tiet watt nich lang.
Ick votell« ju veel ut«e Kinnertiet un däi Joahrn ligget nu oll« so wiet. Doch faken, dou ick «ne Geschichte wia lesen, kump ett mi vo, oss ess dat gistern erst wesen.
So ess däi Tiet, manchmoal lopp säi us wegg, orer säi well gornich voagoahn. Doch un hant«n wünsket man, dat säi länger bläif stoahn.
Oaber däi Tiet gaiht wita, dat ess uss olle kloar. Ick wünske doarüme ollen Lesern uck «ne goue Tiet, in näien Joahr.
Drucken