Rahden (WB). Anlässlich der 60. Wiederkehr des Kriegsendes hat Elfriede Sudbrink ihr Buch »Erinnerungen ut miene Kinnertied in twäiten Weltkrieg« veröffentlicht. Sie schildert in plattdeutscher Sprache, wie sie als Kind die Zeit während des Krieges erlebt hat. In der heutigen Folge geht es um »Rettung mett'n Fallschirm«. Elfriede Sudbrink, Hobbyautorin aus Kleinendorf schreibt auf Platt, um die Sprache für die Nachwelt zu erhalten.
Wi maken uss nu ole upp'n Wegg, üme denn Fallschirmspringer tou söiken. No koater Tiet söigen wi un Soldoaten in amerikanischer Uniform ünner äin Äikenboum sitt'n, häi schlottere an'n ganzen Körper, oaber wi ett utsöig, wass öhne nix passiert. Häi wass woll ganz erstaunt, oss häi uss söig, ett würn jo uck dützke Ziwilisten, däi doa upp öhne tou käim. In düssen Moment harre käiner van uss Angst, upp öhne tou tougoahn. Däi Ami harre uss jo velichte watt doun könnt, oaber häi wass sicher uck frouh, dat häi dat Leb'n boul'n harre. Van denn Fallschirm, wo däi Soldoat mett harrünner kom wass, wass nix tou säihn, häi harre denn sicher vosteeken. Mama wull oaber gerne weet'n wo häi denn loat'n harre, so'n Fallschirm wass veel wert, man könn doa ollehand ut maken. Mett Hänne un Föite vosögte Mama, öhne dat kloar tou maken. Ett harre oaber käin Zweck, entweder wull häi ett nich vostoahn, orer häi vostünt ett würklich nich. Mama gaff ett tou, man könn sick leider nich mett öhne vorständigen. Watt wass nu tou doun? Wi könn denn Amerikaner jo nich äinfach gefangen nehm'n. Däi anner Fallschirm wass etwas wita affdreem, häi wass woll in Richtung Wiehe dal goahn. Wi söigen uck oll van wiet'n un paar Kerls upp uss tou kom, oss säi nöiger käim, söigen wi, dat dat »SA Kerls« ut Wiehe würn, däi han'n sogor ühre geel'n Uniform anne. Däi Kerls han'n denn annern Soldoaten oll gefangen noahm. Jeder harre 'ne Flint'n bi sick, doa höll'n säi däi Ameirkaner mett in Schach. Däi Kerls voetell'n uss, dat säi bi denn Bomber säihn han'n dat doa drei Mann in'ne vobrennt würn. Watt han'n düsse bein Amerikaner doch von Glücke hatt, wenn säi nu uck in dützke Gefangenschaft mössten. Däi SA Kerls würn ganz stollte, oss säi mett ühre »Gefangen« lous töigen. Däi dräi douen Soldoaten häbb säi noher achtere Farnhorst, doa gaff ett van früher her un Peear-Kerkhoff, äinfach ingraam. (wird fortgesetzt). Das Buch zu den Geschichten »Erinnerungen ut miene Kinnertied in twäiten Weltkrieg« kann man in der Buchhandlung »Das Buch« in Rahden oder bei Elfriede Sudbrink, Tel. 0 57 71/30 76, erhalten.
Drucken