Rahden (WB). Anlässlich der 60. Wiederkehr des Kriegsendes hat Elfriede Sudbrink ihr Buch »Erinnerungen ut miene Kinnertied in twäiten Weltkrieg« veröffentlicht. Sie schildert in plattdeutscher Sprache, wie sie als Kind die Zeit während des Krieges erlebt hat. In dieser Folge geht es um »Fliegeralarm in'ne Schoule«. Elfriede Sudbrink schreibt auf Platt, um die Sprache für die Nachwelt zu erhalten.
Däi lästen Kriegsjohrn wurn däi Luftangriffe jümmer leeger un ett gaff in use Gegend öfters Fliegeralarm. Wie Schöilers säit'n denn mett Angst schmoans in'ne Schoule. Ett gaff jo käin Luftschutzkeller un wia no Hus goahn, wass veel's tou gefährlich. Ett wure dou beschloat'n, wenn't Alarm gaff, däi Schöilers, däi un wiet'n Wegg no Hus han'n, upp'e Burnhöwe in'ne Nöichte van'ne Schoule tou vodäil'n. Ick bin mett miene Schoulfründin Elfriede no dat sien Öllernhus goahn. Äigenlick fraien wi Schöilers uss, wenn't käin Ünnerricht gaff, oaber wure wia Entwarnung eem, mößten wi wia no Schoule un hant'n dure däi Alarm so lange, dat ett sick nich mehr lohnde. So han'n wi manchmoal upp'n Trüggewegg no Hus groute Angst uttoustoahn. Wenn däi Bombervobände van Berlin orer Hannower trügge käim, speel'n sick faken Luftkämpfe boam an Himmel aff, däi dützken Jägers gräipen däi Bombers an. Zitternd vo Angst häbbt wi Schöilers in Graam Schutz soggt. Äinmoal harre't son grout'n Bomber droapen, oaber bevo häi aff störtere, schmäid häi erste siene Benzintanks aff. Äiner doavan ess in Wiehe upp äin Hus fall'n, datt hätt glieks Füer fangen un ess affbrennt. Ganz trourig wass dat, ett sind twäi Minsken doabi ümmekom. Friedchen un ick würn no van'ne Schoule upp'n Trüggewege un häbbt bi Strieters platt in'n Graam leegen. Van wiet'n kön'n wi dat Füer bren'n säihn, wi söigen uck, dat donne bi usen Huse un Benzintank hadal föllt. Ett ess dou nix passiert, däi Tank wass in Schmetts Busk dal goahn. Wi würn frouh, oss däi Luftkämpfe tou Enne würn un wi häile wia in Huse würn. Mama harre uck groute Angst utstoahn un oll lange upp mi lurt, ühr föllt un Stäin van Hate, oss ick in'ne Dürn harrin kamm. (Fortsetzung folgt). Das Buch zu den Geschichten »Erinnerungen ut miene Kinnertied in twäiten Weltkrieg« kann man in der Buchhandlung »Das Buch« in Rahden oder bei Elfriede Sudbrink, Tel. 0 57 71/30 76, erhalten.
Drucken