Stemwede (WB). In der heutigen Folge der plattdeutschen Geschichten von Pastor Wilhelm Dullweber schreibt er über die Frauenhilfe in Dielingen-Haldem. Pastor Wilhelm Dullweber war jahrzehntelang Seelsorger im Pfarrbezirk Haldem-Arrenkamp-Ilwede. Der 70-Jährige ist ein Stemweder Urgestein und hält heute noch Gottesdienste ab, auch in plattdeutscher Sprache.
Ower datt Johr 1976 könn ick nu ne ganze Masse schriebm. Dei beiden Gemeindehüser wöhrn fährig un ett wurd nu dorinne arbeit't. In Hahme wöhrn im esten halbm Johr jedet Wirken an dei fiefhunnert Lür im Gemeindezentrum wesen, so stönd ett dermäls inne Zeitung. Dei Kreissynoden wöhrn in Dielgen un Lievern wesen. 2 % weiniger Kerkenstürn sind rin kurm, dorümme mott sport wern. Dei estn Konfirmataun fönd in Hahme statt. Dei Fraunhilfe fiere öhr 70 jöhriget. Eindartig Frunslür wöhn oll ower 50 Johr inne Frauenhilfe un 130 wöhrn ower 25 Johr oll inne Frauenhilfe. Frauenhilfe un Diakonie datt was dermäls datt Thema. Dreyers Mariechen hörr ein Stücke schriebm wie datt am Anfang mett dei Frauenhilfe wesen wass. Wie sei upp dei Burndeeln tauherpe käm. Ett ess mie oss wenn sei Vöndage ner in öhre ärln Trachten innt Gemeindehus käm un sei vetelln vom ärln Pastor Bartmann dei mett Fahrrad von Dielgen kamm, meist jümmern ein bittken taulate, ünnewegens was hei denn ein paar märl afstiergen ümmen ner mett denn ein oder annern tau kürn. Doch ett gaff in düssen Johre auck ganz watt niers. Ett was Prebyterwahl un taun esten märl hönn sick Frunslür uppstelln lertn un drei sind denn auck wählt wurn. Dei kinn jie sicher ner olle. Ett wöhrn Ellermanns Elfriede, Quebm Hannelore un Thaters Erna. Längs sind sei nu nich mehr im Presbyterium, ower Sünndages inne Kerken kanns du sei ner jümmern andrepm. Inne Maitied der hönn wie inne Gemeinde ein Seminar. Kerken mett dei Welt verbun.. Tau est kamm Fernando Espinoza ut Chile, hei studiert in Dütschland ümme denn in sien eigen Land tau helpm. Denn zweitn Ärmt kamm Ben Khumalo mett sine Frue und enn lüttchen Kiene, sei sind ese ess veer Monate in Dütschland un Ben kürt oll sehr gaut dütsch, datt hei kein Dolmetscher bruket. Hei well hier Theologie studiern un es 25 Johr ärlt. Dei Familie kräg, ett was enne Januar; in Hahme datt erste Märl in öhrn Lierbm Schnei tau sein. Dei drütte Besuch kamm ut Brasilien ett was Antonia Dominguez. Watt könn düsse Frue us ollns vetelln? Wie arm datt Land ess. Dei Lür wert blauß vertig Jorh ärlt. Jeden Dag werd tusend Kinner geborn, hunnert nier Hüser bauet un fief Kilometer Autobahn fährig. Wie hätt blauß Ärgen un Mund upsperrt ower dei Zahlen. Denn lesten Ärmt kamm Dr. Kyung Seo Park ut Südkorea hei hör ne ganze Masse Dias mett bröcht un wie könn blauß Staunen ower dütt Land im Fernen Osten. Jeden Ärmt wöhrn an dei Hunnert Lür dor, vierle Junge ower auck ärle Lür. Watt es dei Welt doch grät doch dorower wöhn sick olle einig Am besten geiht ett uss hier am Stemwederberg. Kiek, sehr ess datt wesen.
Drucken