Rahden (WB). Anlässlich der 60. Wiederkehr des Kriegsendes hat Elfriede Sudbrink aus Kleinendorf ihr Buch »Erinnerungen ut miene Kinnertiet in twäiten Weltkrieg« veröffentlicht. Sie schildert in plattdeutscher Sprache, wie sie als Kind die Kriegsjahre erlebt hat. In der heutigen Folge erzählt sie vom »Silberpapier, das einst vom Himmel fiel«.
»Äinmoal, oss Mama schmoans däi Kaihe nore Wisk broacht harre, kam säi ganz uppgeregt trügge un votelde, dat inne Wisk olle silberne Papierstreifen läigen. Käiner wüßte wat dat wass. »Dat häbbt doch woll däi Engländer ut'e Fliegers schmeet'n, doamett wöt säi sicher dat Väih vogiften«, mende use Opa. Use wüßten nich wat säi maken schun'n, ob säi däi Kaihe wia in Stall hal'n? Use Norber kam uck ganz uppgeregt an un fröig, ob bi uss uck sowat inne Wisk lag? Säi häbbt dou beschloat'n, dat dat woll dat Beste wass, olles upptousöiken, Mama hätt dou un oul'n Emma noahm, Handsken antoagen un mett 'ne Tangen däi Silberstreifen uppsoggt. Dat hüllp oaber nich veel, däi annern Dage lagg olles wia vull. Käim' Bombervobände, föll'n dousende Staniolstreifen wia van Himmel. In Radio wure dou ober seggt, däi Buern bruken käine Angst häm'n, dat dat nix Giftiges wass. Däi Streifen's schun'n däi dützken Flack störn, däi kön'n däi Brombers denn nich mehr so genau anvisiern. Watt häbb wi Kinner mett düssen Silberpapier maket? Mett däi Streifen's kön'n man ollehand anfangen. Vo ollen löit sick doa wunderbar Lametta fon Wiehnachtsboum ut schnien. Orer wi basteln doa feine Lesezeichen van. Uss Kinner föllt jümmer no watt in, wo wi dat Silberpapier tou bruken kön'n. Uck Mama harre 'ne goue Idee, watt säi mett däi Streifen maken könn. In ührn Goarn, bi däi Erdbirn un Himbirn höng säi däi Streifen un uck tüsken däi Erfken, dön säi goue Dienste. Use Pole Franz klaire boam in Kirskenboum un höng doa wecke rinn. Wenn däi Staniolstreifen so schöin rascheln dön, kräigen däi hungrigen Vögel Angst un flöigen wegg. So wass dat Silberpapier, dat van Himmel föllt, doch no fo watt Goues tou bruken. Das Buch zu den Geschichten »Erinnerungen ut miene Kinnertiet in twäiten Weltkrieg« kann man in der Buchhandlung »Das Buch« in Rahden oder bei Elfriede Sudbrink, Tel. 05771/3076, erhalten. Fortsetzung folgt
Drucken