Rahden (WB). Anlässlich der 60. Wiederkehr des Kriegsendes hat Elfriede Sudbrink ihr Buch »Erinnerungen ut miene Kinnertiet in twäiten Weltkrieg« veröffentlicht. Sie schildert in plattdeutscher Sprache, wie sie als Kind die Kriegsjahre erlebt hat. In der heutigen Folge geht es um »Taubnessl'n un Schafgabe«. Elfriede Sudbrink schreibt auf Platt ihre Erinnerungen, um die Mundart für ihre Kinder, Enkel und die Nachwelt zu erhalten.
Un groute Aktion wass fo uss Schöilers in Sommer dat »Heilkräuter« sammel'n. Weil däi dützken Apotheken in Kriege nix mehr ut'n Utlanne betäihn kön'n, un fo däi Krankenhüser un däi veel'n Lazarette Medikamente bruken, mössten däi Schoul'n fo grout'n Nachschupp sorgen. Jeder Schöiler schull dorüme veele, dröige Heilkräuter afflewern. Ett wure sogor un Wettbewerb voanstaltet, däi, däi däi meisten Heilkräuter sammelt harre kräig 'ne Prämie. Ett wass nu in Sommer miene Arbeit un ick wass dagelang doamett beschäftigt un masse Heilkräuter touhoupe tou kriegen. Dat Sammel'n föng mett Taubnessel'n un Brennedel'n an, däi wößen genou bi uss achtere Schürn. Erdbeer- un Himbeerbläer han'n wi in Goarn. Brummelbirnbläer gaff't in Buske. Doatou käim Ackerschachtelhalm, Schafgabe, Huflattich un Hirtentäschelkraut, dat satt olles bi uss an'ne Flöte. Rainfarn un Johanneskraut wöß massenhaft an Bahndamm. Denn gaff ett no däi veel'n Berkenbläer un no so äinige annere. Düsse Heilkräuter kin'n wi Schöilers doumals olle, weet däi Kinner dat vondage uk woll? Pfeffermünz un Kamell'n stün'n bi uss achtern Huse, däi bruken wi fo uss süms. Oma koakere in Winter doa Tee van, däi hüllp gout, wenn äiner Lievwäik over sick vokühlt harre. Bi uss teegen Huse stün'n groute Allurnstrüßke (Hollunder). Ut däi Birn'n makere Mama Saft, in Winter, wenn man Grippe harre, wass däi gout fon Houssen un fer't Fieber. Boam bi uss upp'n Böön harre ick 'ne groute Ecke mett Zeitungspapier utleggt, doa käim däi gröin'n Bläer rupp toun dröigen. Dat dure un paar Weeken, in'ne Sünne dröffte man doamett nich harrin. Äine Schoulklasse wure utrümt, wenn däi ganz vull läig, kam un Lastwage un halde däi Heilkräuter aff. Weil dat nu olle Schoul'n upp'n Lanne so maekn, kamm doa un ganz schöinet Quantum touhoupe. Das Buch zu den Geschichten »Erinnerungen ut miene Kinnertiet in twäiten Weltkrieg«, kann man in der Buchhandlung »Das Buch«, in Rahden, oder bei Elfriede Sudbrink, Tel. 05771/3076, erhalten. Fortsetzung folgt
Drucken